شم النسيم هو من اقدم الأعياد المصرية القديمة ؛عمره حوالي ٤٧٠٠ سنه
اسم شم النسيم جاي من كلمة (شمو) و هي كلمة مصرية قديمة
عيد شم النسيم كان بيمثل لقدماء المصرين بداية الربيع و هي بمثابة بداية الحياة ؛لأن الزرع بيخرج من الأرض و الأزهار بتتفتح
و كانوا بيحتفلوا بنفس طريقتنا دلوقتي ،بياكلوا البيض الملون و السمك المملح و السردين و البصل و الخس ،و كل حاجة منهم كان ليها رمز عندهم ؛البيض كان رمز الخروج للحياه زي الكتكوت لما يخرج من البيضة ،و السمك المملح كان تعبير من المصري القديم عن حبه للنيل
اما البصل فكان رمز للحياه ،و كان بيعلق علي الجدران الخاصه بالبيوت
الخس كان من النباتات المهمه جدا و المقدسة عند المصري القديم
شم النسيم و الإحتفال به كان زي مهرجان شعبي يبتدي مع خروج الشمس ،و كانوا يخرجوا للفسح في الجناين و علي شط النيل و الأماكن اللي فيها زرع و خضره .
تعليقات
إرسال تعليق