الكنافه
اصل الكنافه و سر ارتباطها بشهر رمضان
بيرجع اصل الكنافة و ارتباطها بشهر رمضان لروايتين
الاولي نسبت اصل الكنافة للدولة الامويه و مؤسسها معاويه بن ابي سفيان
و الروايه التانيه نسبت للدولة الفاطمية
الروايه الاولي بتحكي ان ظهور الكنافه الاول كان في بلاد الشام ؛ و اخترعها صناع الحلويات هناك مخصوص علشان معاويه بن ابي سفيان و اتقدمت له كوجبه للسحور علشان تمنع عنه الجوع اللي كان بيحس به طول نهار رمضان
و بيشير بعض المؤرخين ان اسمها ارتبط باسمه و اطلق عليها اسم كنافه معاويه
اما بقي الروايه التانيه نسبت الظهور الاول الكنافة في مصر و إن المصريين هم اول من صنع الكنافة قبل اهل الشام و انها انتقلت للشام عن طريق التجار
و كانت بداية الظهور مع الولة الفاطميه ؛ مع دخول الخليفه المعز لدين الله الفاطمي الي القاهره و خرج الاهالي يستقبلوه بعد الفطار و اقدموا له الهدايا و كان بين الهدايا اللي قدموها الكنافه باعتبارها مظهر من مظاهر التكريم
اغلب المؤرخين بيميل للروايه التانيه اللي بتنسب اصل الكنافة للدولة الفاطميه ؛ و السبب ان الدولة الفاطميه اول من حول المناسبات الدينية لمهرجانات و احتفالات
و كانت الكنافه في البدايه حكرا علي الخلفاء و الامراء و الملوك و الاثرياء نظرا لغلاء سعرها ؛ لكن مع مرور الوقت اصبحت الكنافه لكل الناس و اصبحت من العادات الرمضانية الشهيه جدا
و مع مرور الوقت اخدت الكنافه اشكال و طرق كتير و مختلفه و حتي في طريقة صناعتها من الاساس بعد ما كانت بتتصنع بشكل يدوي اصبحت بتتصنع بالات مخصصه
كنااااااااااافه😂
ردحذف